AB de Villiers IPL 2023: सध्या आयपीएलच्या १६व्या सीजनचा थरार जोरात रंगला आहे. जवळपास सर्वच संघांचा आपला पहिला सामना खेळून झाला आहे. नेहमीप्रमाणे यंदा देखील आयपीएलमध्ये चुरशीच्या लढती पाहायला मिळत आहे. कागदावर सर्वात जास्त तगडा वाटणाऱ्या रॉयल चॅलेंजर्स बंगळुरूच्या (RCB) संघाने मुंबई इंडियन्सला (MI) पराभूत करून विजयाची सलामी दिली आहे. अशातच आरसीबीचा माजी खेळाडू एबी डिव्हिलियर्सने (AB de Villiers IPL 2023) आयपीएलच्या सुरूवातीलाच IPL 2023 Winner कोण होणार या वर आपले मत मांडले.
एबी डिव्हिलियर्सने म्हणाला, “IPL 2023 Winner कोण होणार? हे सांगणे फार कठीण आहे. काही दिवसांपूर्वी आयपीएलच्या लिलावादरम्यान मी म्हटले होते की, गुजरात टायटन्समध्ये सलग दुसऱ्यांदा जिंकण्याची क्षमता आहे आणि यावर मी अजून पण ठाम आहे. पण मला मनापासून वाटते की, आरसीबीने यंदाचा IPL 2023 चा किताब जिंकावा. मागील हंगामात आमच्याकडे तगडा संघ होता. त्यामुळे मला आशा आहे की आम्ही देखील आमचा दावा मजबूत करू.”
दरम्यान, Mister 360 एबी डिव्हिलियर्सने विराट कोहलीबद्दल म्हटले की, “मागील वर्षी कर्णधारपद सोडल्यामुळे विराट कोहलीला खूप आराम मिळाला आहे. तो एक शानदार कर्णधार आहे. आयपीएलमध्ये मोठ्या कालावधीपर्यंत त्याने संघाचे नेतृत्व केले आहे. तो कधी-कधी त्याच्या कुटुंबीयांसाठी वेळ काढत असतो. मला वाटते की तो पहिल्यासारखाच असून त्याच्यात फारसा बदल झाला नाही.”
मुंबई इंडियन्सविरूद्धचा सामना जिंकून आरसीबीने विजयी सलामी दिली आहे. मुंबईला १७१ धावांवर रोखल्यानंतर विराट कोहली आणि फाफ डू प्लेसिस या जोडीने अप्रतिम कामगिरी करून विजय साकारला आहे. विराटने ४६ चेंडूत नाबाद ८४ धावांची खेळी करून आपल्या विजयावर शिक्कामोर्तब केला. तर कर्णधार डू प्लेसिस ४३ चेंडूत ७३ धावा करून कॅमेरून ग्रीनच्या गोलंदाजीवर बाद झाला. अखेर आरसीबीने १६.२ षटकांत लक्ष्य गाठले आणि ८ गडी आणि २२ चेंडू राखून मोठा विजय मिळवला.