मित्रांनो, इंडियन प्रीमियर लीग (IPL) 2023 मध्ये सर्व संघांनी प्रत्येकी एक एक सामना खेळला आहे. 2008 ची चॅम्पियन Rajasthan Royels सध्या अव्वल तर Sunrisers Hydrabad सर्वात खाली आहे. सर्वाधिक धावा करणाऱ्या खेळाडूबद्दल बोलायचे झाले तर ऋतुराज गायकवाड सध्या नंबर-1 वर आहे, तर लखनौच्या मार्क वुड ने 5 Wicket घेतल्या आहेत. (IPL Breaking News in Marathi)
IPL 2023 चा उत्साह लोकांमध्ये दिवसेंदिवस वाढत आहे, या 16 व्या हंगामात प्रत्येक संघाने आतापर्यंत एक एक सामना खेळला आहे. बेंगळुरू असो की राजस्थान, दोघांनीही धमाकेदार पदार्पण केले आहे तर एमएस धोनीच्या चेन्नई (CSK) आणि रोहित शर्माच्या मुंबईला (MI) पहिल्याच सामन्यात पराभवाचा सामना करावा लागला आहे.
पॉइंट टेबलच आयपीएलच्या पहिल्या तीन दिवसांची स्थिती सांगत आहे. राजस्थान रॉयल्स सध्या अव्वल तर सनरायझर्स हैदराबाद सर्वात खाली आहे. ज्या टिम ने हलगर्जीपना केला त्यांना पराभवाला सामोरे जावे लागले आहे. मग ते हैदराबाद असो की दिल्ली, मुंबई आणि चेन्नईचा असो.
जर आपण संघांच्या कामगिरीबद्दल बोललो, तर राजस्थानसाठी, त्याच्या फलंदाजी युनिटने आश्चर्यकारक प्रदर्शन केले. जोस बटलर, यशस्वी जैस्वाल, संजू सॅमसन यांनी फलंदाजीतून धावा केल्या आहेत. यासोबतच ट्रेंट बोल्ट आणि युझवेंद्र चहल यांची गोलंदाजीही हिट ठरली आहे. त्यामुळे हा संघ अजूनही अव्वल आहे. लखनौ सुपर जायंट्स, आरसीबी, गुजरात आणि पंजाब यांच्या बाबतीतही असेच झाले, ज्यांच्या फलंदाजांनी धावांचा पाऊस पाडला.
दिल्ली कॅपिटल्स, मुंबई इंडियन्ससारख्या टिम ने त्यांच्या चाहत्यांची निराशा केली आहे. पहिलाच सामना हरण्याचा तर मुंबईला सवयच आहे आणि यावेळीही तेच झाले. सुरुवातीच्या सामन्यांमध्ये हैदराबाद हा सर्वात कमकुवत संघ आहे, जो राजस्थानविरुद्ध फलंदाजीपासून गोलंदाजीपर्यंत खराबपणे फ्लॉप ठरला.
प्रत्येक संघाने सध्या एक एकच सामना खेळला आहे आणि खेळाडू आणि संघ जोशात येत आहेत आणि नवीन हंगामाचा आनंद लुटायचा अजून बाकी आहे. सुरुवातीच्या दिवसांतील सर्वात मोठी समस्या म्हणजे इम्पॅक्ट प्लेयर. आयपीएलमध्ये हा नियम पहिल्यांदाच वापरला जात असून कर्णधारांनी त्याचा चांगलाच वापर सुरू केला आहे. आता असे दिसून येते की संघ फलंदाजी करताना संपूर्ण बॅटिंग लाइनअप वापरतात आणि गोलंदाजी सुरू होताच, ते प्रभावशाली खेळाडू म्हणून संघात गोलंदाज आणतात. पुढे गेल्यावर त्याचे वेगवेगळे उपयोग पाहायला मिळतात.